Author: mschandar

‘గ్రేటే’ష్‌ బాబు!

పేరు : నారా లోకేష్‌ బాబు

దరఖాస్తు చేయు ఉద్యోగం: తెలంగాణ పౌరుడు (నాన్న ది రాయల సీమ, అమ్మది ఆంధ్ర, మరి నాకు తెలంగాణ కావాలి కదా! ఒకే కుటుంబ సభ్యులు పంచుకోవటానికి అని అనుకోకండి. పాలించటానికి. ఇప్పటికి మూడు తెలుగు రాష్ట్రాలయ్యాయి. సీమ కూడా విడిపోయి మూడు రాష్ట్రాలయినా పాలించుకోవటానికి ముగ్గురం వుండాలి కదా! అందుకని ఈ అరేంజ్‌ మెంట్‌)
ముద్దు పేర్లు: ‘షోకేస్‌’ బాబు ( నారా వారి కుటుంబం గొప్పతనానికీ, నందమూరి వారి ఖ్యాతికీ ని ప్రదర్శించటానికి ఏకైక షోకేస్‌ను నేనే.) ‘హెరిటైజ్‌’ బాబు ( ‘పాలు’టిక్స్‌ లోనూ, పాలిటిక్స్‌లోనూ నాన్నకు నేనే కదా- ఏకైక వారసుణ్ణి.)

‘కత్తుల’ రత్తయ్య!

పేరు : పందాల రాయుడు

దరఖాస్తు చేయు ఉద్యోగం: పుంజుల్ని పెంచటం. (పెట్టల పెంపకంలో అనుభవం లేదు.)

ముద్దు పేర్లు : ‘కత్తుల’ రత్తయ్య.( అపార్థం చేసుకోకండి. అసలే నేను అహింసా వాదిని. కత్తి నేను పట్టను. నా కోడికి కడతాను) . ‘కాలు దువ్వే’ కనకయ్య.( అదుగో మళ్ళీ అపార్ధం. ఎవరిమీదకీ కాలు దువ్వను. నా కంత సీను లేదు. కత్తి కట్టి బరిలోకి వదలితే. నా కోడే దువ్వుతుంది.)

‘విద్యార్హతలు :మా వాళ్లందరిలో నేనే నాలుగు ఆకులు… సారీ… ‘నాలుగు ఈకలు’ ఎక్కువ చదువుకున్నాను. కాబట్టే ‘పుంజు’ను చూడగానే, ఏది ‘నెమలో’, ఏది ‘డేగో’ ఇట్టే చెప్పేయ గలుగుతాను. (అన్నీ కోళ్ళే. కానీ పందె గాళ్ళు అలా పిలవరు. ‘ఈకలు’ తేడాలు పీకి ఇలా ‘జాతుల్ని’ నిర్థారిస్తారు. ఏం? మన దేశంలో మనుషులకు కులాలున్నప్పుడు, కోళ్ళకు మాత్రం కులాలు- ఉండాలా? లేదా?

‘సెటిలర్‌’ అంటే మాట కాదు, వోటు!

సెటిలర్‌. హఠాత్తుగా ఈ మాట ముద్దొచ్చేస్తోంది. అది కూడా ఎక్కడ? గ్రేటర్‌ హైదరాబాద్‌లో. ఒక్క సారి రెండేళ్ళ వెనక్కి వెళ్ళితే, తెలంగాణ లో ఇదే తిట్టు. కానీ, అట్టు తిరగబడింది. తిట్టు కాస్తా వొట్టు అయింది. సెటిలర్ల మీద వొట్టేసి చెబుతున్నారు కేటీఆర్‌: ‘నేను కూడా సెటిలర్‌ నే’. ఇలా అన్నాక, చిన్న గ్యాప్‌ ఇచ్చి. ‘తెలంగాణ పల్లె నుంచి హైదరాబాద్‌ వచ్చాను కదా… సెటిలర్‌ని కానా?’ అన్నారు. మరీ రెండేళ్ళ క్రితమో…! నేరుగా ఆయన అని వుండక పోవచ్చు కానీ, ఆయన పార్టీ నేతలు ఏమన్నారు? సెటిలర్లు మూటా, ముల్లె సర్దుకోవలిసందే.. అని. అంతెందుకు కేసీఆర్‌ మాత్రం అనలేదూ! సీమాంధ్ర ఉద్యోగుల్లో కొందరికి ఆప్షన్ల ఇచ్చే ఆలోచన చేసేది వుందా? అన్న ప్రశ్న వచ్చినప్పుడు ‘ఆప్షన్లూ లేవు, గీప్షన్లూ లేవు’ అని అనేయ్‌ లేదూ! (అఫ్‌ కోర్సు !కొన్నాళ్ళ తర్వాత ఆంధ్రుల కాలికి ముల్లు గుచ్చుకున్నా, పంటితో తీస్తానని కూడా అన్నారు. అది వేరే విషయం.) ఇప్పుడు ‘సెటిలర్‌’ అనేది కేవలం మాట కాదు, వోటు. ఈ వోటు ఎటు వైపు వెళ్తుంది?

ఇది ‘గ్రేటర్‌’ నామ సంవత్సరం!!

‘గ్రేటర్‌’! కొత్త ఏడాది(2016) ఏ మాటతోనే మొదలవుతుంది. రెండు తెలుగు రాష్ట్రాలలో పౌరులందరూ ‘హ్యాపీ న్యూయియర్‌’ అని ఒకరినొకరు అభినందించుకోవచ్చు. అందు వల్ల ఆనంద పొందవచ్చు. కానీ ఈ రాష్ట్రాలలో నేతల్ని ఆనందింప చెయ్యాలంటే మాత్రం ‘హ్యాపీ న్యూయియర్‌’ అని అనకుండా ‘గ్రేటర్‌ న్యూయియర్‌’ అనాలి. అప్పుడు విన్న నేత ముఖం వెలుగుతుంది. తెలుగు సంవత్సరాలకు నెంబర్లతో పాటు, పేర్లు కూడా వుంటాయి. కానీ ఇంగ్లీషు సంవత్సరాలకు అంకెలు మాత్రమే వుంటాయి. కానీ 2016కు మాత్రం ఈ రెండు రాష్ట్రాల వారూ పేరు కూడా పెట్టుకోవచ్చు. అదే ‘గ్రేటర్‌’ నామ సంవత్సరం.

బీజేపీ-కాంగ్రెస్‌ల సమర్పణ: ‘స్వామి..రారా!’

స్వామి తలచుకుంటే కేసులకు కరువా? ‘కలహభోజనుడు’ సుబ్రహ్మణ్య స్వామి అంటేనే వివాదం. ఆయన ఏ పార్టీలో వున్నా ‘వన్‌ మ్యాన్‌ ఆర్మీ’ (ఏక సభ్య సైన్యం) లాగా వుంటారు. కూపీలూ లాగటంలోనూ, లొసుగులు వెతకటంలోనూ దిట్ట. అయితే అన్ని కూపీలూ నిలబడవు. కొన్ని వీగిపోతుంటాయి. ఆయన ఎవరి మీదయినా గురిపెట్టారంటే, ఇక వారి చుట్టూనే తిరుగుతుంటారు. రాజకీయంగా ఆయనకు కాంగ్రెస్‌ మీద ఎప్పుడూ ఒక కన్ను వేసే వుంచుతారు. ఈ మధ్య కాలంలో ఆయన కారణంగా కాంగ్రెస్‌ వర్కింగ్‌ ప్రెసిడెంట్‌ రాహుల్‌ గాంధీ రెండు సార్లు వివాదాల్లో చిక్కుకున్నారు.

మూడు దశాబ్దాలు! ఆరు అస్తిత్వాలు!!

తినేటప్పుడు కబుర్లు చెబితే అమ్మకు నచ్చేది కాదు. ‘నోరు మూసుకుని తిను,’ అనేది. ఈ వాక్యం విన్నప్పుడెల్లా, నవ్వొచ్చేది. కానీ, నచ్చేది. వెంటనే ఈ వాక్యానికి పేరడీలు చేయాలనిపించేది. ‘కళ్ళు మూసుకుని చూడు’, ‘కాళ్ళు ముడుచుకుని పరుగెత్తు’ ‘చేతులు కట్టుకుని చప్పట్లు కొట్టు.’

అమ్మ వాక్యాన్ని అక్షరబధ్ధంగా అమలు చెయ్యటానికి నేనేమన్నా పార్థుణ్ణా? వొళ్ళు వంచి సంపాదించుకొచ్చినట్లు, విల్లు వంచి తెస్తాడు ద్రౌపదిని. ఆ విషయం శుధ్ధ వచనంలో చెప్పొచ్చు కదా! ‘అమ్మా! పండు తెచ్చానే’ అని కవిత్వం వెలగబెడతాడు. ఆమెకు మాత్రం అది వచనంలాగానే అనిపిస్తుంది. ‘అయిదుగురూ పంచుకోండి’ అంది. కొన్ని విషయాల్లో మాతృవాక్పరిపాలకులయిన పాండవులు, వాక్యాన్ని వాచ్యంగా తీసుకుని అమలు జరిపేశారు.

‘ఇన్నొసెంట్‌’ ఖాన్‌!?

పేరు : సల్మాన్‌ ఖాన్‌

దరఖాస్తు చేయు ఉద్యోగం: ‘ఇన్నొసెంట్‌ మ్యాన్‌’ (‘హిట్‌ అండ్‌ రన్‌ కేసులో నన్ను నిరపరాధిగా ప్రకటించింది. ఇకనైనా నన్ను ‘ఆలిండియా అమాయకుడు’ గా గుర్తించాలని అభ్యర్థిస్తున్నాను.

వయసు :ఐదు పదులు దాటవచ్చు. అయినా నాకు పెళ్ళీడు వచ్చిందని నేను భావించను. ఇంకా ‘డేటింగ్‌’ చేసే వయసులోనే వున్నాను. ‘హంటింగ్‌’ అంటే నేరమవుతుంది.

డయిల్ ‘ఎమ్’(మనీ) ఫర్ మర్డర్!?

పైసలే ప్రాణాలు. ఇది మార్కెట్‌ యుగ ధర్మం. అందుకే రూపాయిని డాలర్‌లోకీ, డాలర్‌ని రూపాయిలోకీ మార్చుకున్నంత సులువుగా, పైసల్ని ప్రాణాల్లోకి, ప్రాణాలను పైసల్లోకి మార్చుకోవచ్చు. ప్రాణాలిచ్చేస్తాను, పైసలిచ్చేయ్‌- అంటూ ప్రాణత్యాగం చేసే వారుంటారు. అందుకే ఎక్స్‌గ్రేషియాకోసమో, రుణ మాఫీ కోసమో మరణించే పేదలూ, రైతులూ చనిపోవటం ఇక్కడ ఆశ్చర్యం కాదు. తాను పోతే, తనతో పాటూ తాను చేసిన అప్పూ పోతుందనో, లేక ఎంతో కొంత ఆర్థిక సాయం సర్కారు తన కుటుంబానికి చేస్తుందనో ఆత్మహత్యలు చేసుకునే వారున్నారు.

అమీర్‌ ఒక క్లాసు ‘పీకె’!

వేరే గ్రహం నుంచి భూమ్మీదకు దిగి, వెతుక్కుంటూ, వెతుక్కుంటూ భారత దేశం వచ్చిన ‘పీకే'(అమీర్‌ ఖాన్‌), ఈ దేశంలో తప్ప ఎక్కడయినా వుంటానంటున్నాడా? ఆ సినిమాలో అన్ని మత ఛాందసాలకూ, సమానంగా తలంటు పోసిన అమీర్‌ పట్ల, ఒక మతానికి చెందిన ఛాందసులే ‘అసహనం’ ప్రదర్శించారా? ఇంతకీ దేశం వెళ్ళాలనే ఆలోచన ఆయనకు వచ్చిందా? లేక హిందువుగానే పుట్టిన తన భార్య(కిరణ్‌)కు వచ్చిందా?

‘జగడాల’ స్వామి

పేరు : సుబ్రహ్మణ్య స్వామి

దరఖాస్తు చేయు ఉద్యోగం: ఇన్వెస్టిగేటివ్‌ పాలిటిష్యన్‌ (పరిశోధనాత్మక రాజకీయ నాయకుడు). ( ఇన్వెస్టిగేటివ్‌ జర్నలిస్టు వున్నట్లే, ఇన్వెస్టిగేటివ్‌ పాలిటిష్యన్‌ కూడా వుంటారని మన దేశానికి పరిచయం చేసింది నేనే. నేను తవ్వి తీసిన కేసులు ఎందరో నాయకుల పీకలకు చుట్టుకున్నాయి. జయలలిత నుంచి రాజా వరకూ ఎవ్వరినీ వదల్లేదు)

డాక్టర్‌. డెత్‌. ఎం.బి.బి.యస్‌!

శంకర్‌ దాదా ఎంబిబిఎస్‌లూ, మున్నాభాయ్‌ ఎంబీబీఎస్‌లూ తెరమీద నుంచి జీవితంలోకి వచ్చేస్తే ఎలావుంటుంది. హింసే ఔషధంగానూ, హత్యే చికిత్సగానూ మారిపోతుంది. ‘ఆయువు’ని పోయటం కాకుండా ‘ఆయువు’ని తీయటమే ఆయుర్వేదం అయిపోతుంది. ‘హోమ్‌’ నుంచి ‘టూంబ్‌’కి పంపించటమే హోమియో పతి అయిపోతుంది. వల్లకాడికి దారి చూపటమే అల్లోపతి అయిపోతుంది.

‘వినోదా’నంద రెడ్డి!

పేరు : ఆనం వివేకానంద రెడ్డి

దరఖాస్తు చేయు ఉద్యోగం: ‘దృష్టి మళ్ళించు వాడు’ (ఇలాంటి ఉద్యోగం రాజకీయాల్లో కూడా వుంటుందని చాలా మందికి తెలియదు. రాష్ట్రమంతా రైతుల నష్టపరిహారం గురించి మాట్లాడే సమయంలో, నేనెక్కడో పబ్లిక్‌లో సిగరెట్టు తాగాననుకోండి, మీ మీడియా వాళ్లు నా గురించే మాట్లాడుతారు. ఏ సర్కారుకయినా ఇంతకంటే మేలు ఎవరు చేస్తారు. ఈ పోస్టుకు తగిన వాడు ‘రేవంత్‌ రెడ్డి’ వున్నా, ఆయన తెలంగాణలో వుండి పోయాడు కనుక, ఆంధ్రప్రదేశ్‌లో ఆ స్థానం ఖాళీగా వుండి పోయింది. ఈ పోస్టుకు నా కన్నా అర్హుడెవరు? అందుకని ఇలా దరఖాస్తు చెయ్యగానే, అలా అంగీకరించేశారు. ‘బయ్‌ వన్‌ గెట్‌ వన్‌ ‘ స్కీమ్‌ కింద, నా తమ్ముడు రామ్‌ నారాయణ రెడ్డిని కూడా ఆయన కిస్తున్నాను.)

‘గో’మిత్‌ షా!

పేరు : అమిత్‌ భాయ్‌ అనిల్‌ చంద్ర షా (చిన్నబుచ్చితే) అమిత్‌ షా

దరఖాస్తు చేయు ఉద్యోగం: ‘కవ్‌’ బాయ్‌ ( ఏం? సినిమాల్లోనే గానే రాజకీయాల్లో ‘కవ్‌ బాయ్స్‌’ వుండకూడదా? ‘గోవు’ పవిత్రమైన జంతువు అని కుర్రాళ్ళంతా ‘కవ్‌ బాయ్స్‌’ కారా?

వయసు : మేం బీజేపీలో ‘బాయ్స్‌’ మే. నేను యాభయిలలో వున్నా, మోడీ అరవయిలలో వున్నా మేం ‘బాలురం’ కిందే లెక్కే, ఎందుకంటే, అద్వానీజీ, మురళీ మనోహర్‌ జోషీజీలు ఎనభయిలల్లో వుంటూ ‘యవ్వనుల్లా’గా కుర్చీలకు పోటీ పడుతున్నారు కదా!

ముద్దు పేర్లు :’గో’మిత్‌ షా( గోవు అంటే ఆవు. మిత్‌ అంటే కల్పన. రెండూ చేసింది నేనే. బీహార్‌ ప్రజలు గోవును పవిత్రంగానే స్వీకరించారు. బీజేపీ అంటే గోవు, గోవు అంటే బీజేపీ అని నమ్మారు. తదనుగుణంగానే మాకు తీర్పు ఇచ్చారు. 243 సీట్లకీ 58 సీట్లే ఇచ్చారు. ‘గంగి గోవు పాలు గరిటడయినను చాలు’ అంటారు. )

సతీష్ చందర్ ’నిగ్రహవాక్యం‘ మూడు దశాబ్దాల తెలుగు సాహిత్యానికి నిలువుటద్దం

నా (సతీష్ చందర్) 17 వ పుస్తకం ’నిగ్రహ వాక్యం‘ (సాహిత్య విమర్శ) గ్రంధాన్ని అక్టోబరు 29 సాయింత్రం సుందరయ్య విజ్నాన కేంద్రం, మినీ హాలులోప్రముఖ కవి కె.శివారెడ్డి ఆవిష్కరించారు. సభకు దిగంబరకవితోద్యమ సారధి నగ్నముని అధ్యక్షత వహించారు. మొత్తం నాతో పాటు పది మంది మాట్లాడారు. ( నాది ’స్పందన‘ సమర్పణే లెండి. నేను వందన సమర్పణను అలా అంటుంటాను.) అయినా ఎవరి పరిశీలన వారు చేశారు

వీధిలో ‘రాజయ్య’- ఇంట్లో ‘మామయ్య’

పేరు : సిరిసిల్ల రాజయ్య

దరఖాస్తు చేయు ఉద్యోగం: నష్ట జాతకుడు ( వరంగల్‌ పార్లమెంటు సీటు ఉప ఎన్నికకు కాంగ్రెస్‌ తరపున నామినేషన్‌ వేసి కూడా ఉపసంహరణకు ముందే పోటీలోనుంచి తప్పుకోవాల్సి వచ్చిన అభ్యర్థిని ఏమంటారు?)

వయసు : షష్టి పూర్తి చేసుకుని రెండేళ్ళ అయ్యింది. అయితే మాత్రం ఇప్పుడే కాలేజీలో చేరిన కుర్రవాడి స్పిరిట్‌ మనకుంటుంది. ( అందుకే కదా, న్యూ యియర్‌ పార్టీలో ‘కాలేజీ పోరగాల్ల లెక్క చిందులేసిన’. మనస్టెప్పులు చూస్తే పడి పోవాల్సిందే. అఫ్‌ కోర్స్‌ రాజకీయాల్లో నేను వేసిన రాంగ్‌ స్టెప్స్‌కు నేనే పడిపోయాను. అది వేరే విషయం.)

‘మహిళా స్ట్రింగ్‌’ యాదవ్‌!

పేరు : ములాయంసింగ్‌ యాదవ్‌

దరఖాస్తు చేయు ఉద్యోగం: అత్యాచార నిందితుల హక్కుల పరిరక్షకుడు (అ.ని.హ.ప)

వయసు : అరవయి నాలుగేళ్ళప్పుడు రెండోపెళ్ళి చేసికొని, సీనియర్‌ సిటిజన్లకు దిశానిర్దేశం చేసిన వాణ్ణి . నన్ను వయసు అడగటం పధ్ధతి కాదు. (అఫ్‌ కోర్స్‌ ఇలాంటి అవకాశం దేశంలో స్త్రీలకు ఇంకా వచ్చి వుండక పోవచ్చు.)

ముద్దు పేర్లు : ‘మల్ల’యాం సింగ్‌ యాదవ్‌( నేను మల్లయోధుణ్ణి లెండి. ఒకప్పుడు కండలుపెంచిన వస్తాదును కూడా.) ‘మహిళా’ ‘స్ట్రింగ్‌’ యాదవ్‌. (మహిళల మీద జరుగుతున్న అత్యాచారాల పై స్ట్రింగ్‌ అపరేషన్‌ చేసిన వాణ్ణి. కాబట్టే ‘సామూహిక అత్యాచారాలు’ ఆచరణ సాధ్యం కావని తేల్చి చెప్పగలిగాను.

మృతి-స్మృతి

మనుషులంతే. కలసినప్పడూ, విడిపోయినప్పుడూ, కలసివిడిపోయినప్పుడూ, విడిపోయి కలసినప్పుడూ.. కళ్ళు చెమ్మ చేసుకుంటారు. ఘనమైన మనుషులు, గంభీరమైన మనుషులు, కఠినమైన మనుషులూ ఇలా కరుగుతుంటారు. అవును. కరిగినప్పడే మనుషులు. అంతకు ముందు.. ఏమైనా కావచ్చు: కొయ్యలు కావచ్చు. రాళ్ళు కావచ్చు. గడ్డకట్టిన నదిని చూపి నది అంటే నమ్ముతామా..? మనిషీ అంతే…! కరిగిపోతేనే ఉనికి.

‘శ్రీని వాయిస్‌’ ఆఫ్‌ కన్ఫ్యూజన్‌’!

పేరు : చలసాని శ్రీనివాస్‌

దరఖాస్తు చేయు ఉద్యోగం: నాకు ఉద్యోగంతో పనిలేదు. కావలిసింది హోదా… ప్రత్యేక హోదా. అవును ఆంధ్రప్రదేశ్‌కు ఇస్తానన్న ప్రత్యేక హోదా కావాలి. ఆ హోదా ఇచ్చేస్తే, నేను ఇంకో ఉద్యమం చూసుకుంటాను. ఏదో ఒక ఉద్యమం చెయ్యటమే కదా మన ఉద్యోగం!

వయసు : మరీ అంత లేదు. కానీ లేని వయసును నెత్తిన వేసుకుని తిరుగుతుంటాను. అందుకు కారణాలు రెండు. ఒకటి: జాతీయోద్యమం జరుగుతున్న రోజులవి… పాలకొల్లు లో ఖద్దరు ధరించిన వారంతా ఒక చోట గుమిగూడారు… ఇలాంటి ఫ్లాష్‌ బ్యాక్‌లు టీవీ చర్చల్లో చెప్పటం. రెండు: నా వయసు వాళ్ళంతా జీన్స్‌, టీషర్టులు వేసుకుంటుంటే, నేను తెలుపు, నలుపు గెడ్డంతో ‘బ్లాక్‌ అండ్‌ వైట్‌’ సిసిమాల కాలం నాటి డ్రస్సు వేసుకుంటాను.

సీమాంధ్రలో ‘ప్రత్యేక’ ఉద్యమమా?

ఆత్మాహుతి. ఈ మాట తెలుగు నాట రాష్ట్ర విభజనకు ముందు విన్నాం. విడిపోయి ఏడాది దాటాక మళ్ళీ వినాల్సి వస్తోంది. అప్పుడు ఆత్మాహుతులు తెలంగాణలో జరిగాయి. ఇప్పుడు ఆంధ్రలో వినబడింది. విభజనకు ముందు ప్రత్యేక తెలంగాణ ఉద్యమానికి దీటుగా సమైక్యాంధ్ర ఉద్యమం చెయ్యాలని తీవ్రంగా ప్రయత్నించారు. ఉద్వేగాలు ఆంధ్రలో కూడా పతాక స్థాయిలో లేచాయి. తెలంగాణలో ఆ ఉద్వేగం ఆత్మహత్యలూ, ఆత్మాహుతుల వరకూ వెళ్ళి పోయింది. కానీ ఆంధ్రప్రదేశ్‌లో ఆ దిశగా పయినించలేదు. కానీ రాష్ట్రం విడిపోయి ఏడాది దాటిపోయిన తర్వాత తెలంగాణ ప్రశాంతంగా వుంది. కానీ ఆంధ్రప్రదేశ్‌ లో కొత్త ఉద్వేగం మొదలయ్యింది. అదే ‘ప్రత్యేక హోదా’కు చెందిన ఉద్యమం.

ఎవెల్యూషన్

ఒక పండగ. ఒక పార్టీ. ఒక ఉత్సవం. అన్నీఘటనలే. ఆ పూటలో ముగిసేవే. అప్పటికప్పడు తెలివి వచ్చెయ్యటమూ, ఓవర్ నైట్ ప్రేమ పుట్టెయ్యటమూ, క్షణంలో జీవితం మీద విరక్తి కలిగెయ్యటమూ జరగవు. కడకు ప్రమోషన్లూ, డిసిమిసల్స్ కూడా అంతే. అందుకు సంబంధించిన ప్రోత్సాహమూ, కుట్రా ఎప్పటినుంచో వుండి వుంటాయి. అయినా అన్నీ అప్పటికప్పడు ఇన్ స్టెంట్ గా జరిగాయంటే అదో థ్రిల్. కాళిదాసు రాయగా రాయగా కవి అయ్యాడంటే చికాగ్గా వుంటుంది. సరస్వతి వచ్చి ఆయన నాలుక మీద ఒక్క క్షణంలో రాసి పోయిందంటే.. మహదానందంగా వుంటుంది.. ఘటనలమీద వున్న మోజు, ఎందుకనో పరిణామాల మీద వుండదు.