Tag: Fiscal deficit

‘వోటు’ సీసాలో లోటు’ద్రవం’

పెళ్ళికొడుకూ మారవచ్చు. పెళ్ళికూతురూ మారవవచ్చు. కానీ పురోహితుడు అవే మంత్రాలు చదువుతాడు. వాయిద్యకారులు అవే భజంత్రీలు వాయిస్తారు.

బడ్జెట్‌ మారవచ్చు. బడ్జెట్‌ ప్రసంగమూ మారవచ్చు. కానీ, అధికార పక్షం నేతలు అవే పొగడ్తలు పొగడుతారు. ప్రతిపక్షనేతలు అవే సణుగుళ్లు సణుగుతారు.

‘ఇది ప్రజల సంక్షేమం కోరే బడ్జెట్‌’. ఇంత పెద్ద బాకా ఎవరు ఊదుతారు? పాలక పక్ష సభ్యులు తప్ప.

‘ఇది అంకెల గారడీ. పేద వాడి కడుపు కొట్టే బడ్జెట్‌’ ఈ కడుపు నొప్పి ఎవరిదో అర్థమయ్యింది కదా! ఇది సదరు ప్రతిపక్ష సభ్యులది.