Tag: gang rapes

బుల్లి పెట్టె లో ‘బూతో’డు!

‘టెర్రరిస్టు ఎలా పుడతాడు?’

‘దేశం మీద మరో దేశం పడినప్పుడు’

‘ఎక్స్ట్రీమిస్టు ఎలా పుడతాడు?

‘వర్గం మీద మరో వర్గం పడినప్పుడు’

‘రేపిస్టు ఎలా పుడతాడు?’

‘… ….. ….. ……!’

అవును. ఈ ప్రశ్నకు సమాధానం లేదు.

‘ఫుడ్‌’ ప్రో కో! మగణ్ణి చూసుకో!

మరో మారు దేశ విభజన జరిగింది. ఈ సారి కూడా దేశం రెండుగా విడిపోయింది. కానీ అవి పాకిస్తాన్‌-ఇండియాలు కావు. భారత్‌-ఇండియాలు. అంత తేలిగ్గా జరిగిపోతుందా? భజనకీ, విభజనకీ ఒక్క అక్షరమే తేడా. భక్తి వుంటే భజన, విరక్తి వుంటే విభజన. ఇండియా మీద విరక్తి కలిగింది ఒక దేశభక్తుడికి. దాంతో ఈ నిర్ణయానికి వచ్చేశారు. ఆయన దృష్టిలో నగరాలు వుండే ది ఇండియా, పల్లెలు వుండేది భారత్‌.