దూకుడు!
ఒక సినిమా కాదు, ఒక ఆట. ఊపిరి బిగబట్టి చూడాల్సిన రాజకీయ క్రీడ. ఇది హై జంపూ కాదు, లాంగ్ జంపూ కాదు. ‘లో’ జంపు.
ఈ జంపులో ఎగరటం వుండదు. కేవలం పడటమే.
పడేటప్పుడు జాగ్రత్తగా పడాలి. లాభదాయకంగా పడాలి. క్షేమదాయకంగా పడాలి. ప్రయాణిస్తున్న పార్టీ ఫ్లయిట్ లాంటిదయితే, పారాచ్యూట్ కట్టుకుని పడాలి; పడవలాంటిదయితే ట్యూబ్ కట్టుకుని పడాలి.
పడితే నిజంగా హైహీల్స్ చెప్పులతో నడిచే హీరోయన్ పడ్డట్టు, సరాసరి హీరో గుండెల మీద పడాలి.