అలవాటయిత ఆముదం కూడా ఆపిల్ జ్యూస్ లాగే వుంటుంది. ఆండాళ్ళమ్మ మొగుడు రాత్రి రోజూ తాగి వస్తాడు. అలవాటయిపోయంది. మొగుడిక్కాదు, ఆండాళ్ళమ్మకు. అతడు తాగి రాగానే అడ్డమయిన బూతులూ తిటే్స్తాడు. వీలుంటే నాలుగు ఉతుకుతాడు. పెట్టిన అన్నం మెక్కేస్తాడు. ఆ తర్వాత భోరుమని ఏడ్చేస్తాడు.’నిన్ను ఎన్ని మాటలు అన్నానో ఆండాళ్ళూ…’ అని పసికూనలా గారాబాలు పోతాడు. ఈ మొత్తం తంతుకు ఆమె అలవాటు పడిపోయింది. ఎప్పుడయినా అతడు తాగి రాలేదో..,ఆండాళ్ళమ్మకు నచ్చదు.